Hey sakabeh umat-umat
Mu'minin sareng mu'minat
Lamun urang hayang salamet
Di dunia sareng akherat
Ulah ninggalkeun amanat
Anu tujuh tong kaliwat
Sabab ieu anu tujuh
Bakal nyaangan geus puguh
Dikubur nu keur pakewuh
Ku siksa alloh nu ripuh
Matak urang kudu nempuh
Kana perkara nu tujuh
Hiji ikhlas 'ibadahna
Dua hade ka indung bapana
Tilu silaturahmina
Ulah pegat salawasna
Opat ngalelebar umurna
Ku maksiat saterusna
Lima nyulayaan nafsuna
Teu digugu pangajakna
Tentrem ayem ibadahna
Eta anu ka genepna
Loba eling katujuhna
Ka alloh sapapanjangna
Nyakitu dauh rosulna
Dina kitab nasoihna
Ulah mang-mang sadayana
Istri miwah pamegetna
Tidak ada komentar:
Posting Komentar