SYAIR PEPELING (TSUNAMI ACEH)

Syair Pepeling (Tsunami Aceh)

Eling eling dulur kabeh
ibadah ulah campoleh
Berang peting ulah weleh
bisina kaburu paeh

Carontona dibanda aceh
piken conto urang kabeh
Gempa bumi jg sunami
eta pepeling ti gusti

Harta banda mobil mewah
hancur kabeh jadi runtah
Anak pamajikan pisah
kakerem ku cai caah

Ngarana eta bencana
bencana sunami tea
Azab tigusti tumiba
kajalma anu doraka

Te taroleh kana harta
carerik matak karunya
Nuningali ge te tega
ngaluarken cai mata

Sing jarerit menta tulung
nempo ombak sagede gunung
Siksa tinu maha agung
kajalma nusok adigung

Aceh ancur berantakan
malaboh jadi lautan
Datangna siksa pangeran
teguran keur kanu iman

mayit-mayit pabalatak
campur runtah ejeng letak
Malah loba nu katincak
waktu ker neangan anak

Jalma rame palaheboh
gempa bumi dimalaboh
Datangna siksaan alloh
karna te syukur ka alloh

Gedung hotel ancur lebur
masjid teger hente ancur
Tanda anu maha luhur
ngaraksa tmpat tpakur

Mayit pd bau bangke
kapanggih tos lima poe
Nguburkena oge hese
kapaksa diantep cuwe

Kudu eling jg waspada
sateacan datang siksa
Malah lobaken ngadoa
sangkan ku alloh diraksa

Ayana ie bencana
diaceh jg disumatra
Serilangka jg india
karna ulah manusia

Jepang rejeng amerika
nyumbangken sagala rupa
Duit beas rejeng tenda
karna ngarasa karunya

matak ulah kajongjonan
ulah ngawaro ka setan
Sabab setan jelas pisan
tujuana rek nyasarken

Kudu ngwaro kaalloh
kudu ibadah kaalloh
Kudu salukur kaalloh
ulah kalupur kaalloh

Emutan di ie jaman
loba pisan kajahatan
Perjudian pamabokan
pembunuhan pemerkosaan

Hijii ciri alam dunia
sigana tereh ancurna
Kitu ecek kaul ulama
nu aya dina kitabna

Buru-buru gera tobat
ulah ngalobaken maksiat
Sing tarekun kana solat
tolab elmu tong kaliwat

Pamugi ie nadom teh
manpaat ker urang kabeh
Janten hikmah jg papatah
ker ngajaga laku lampah